Steve Jobs mechanic se CEO tak ka safar ” The Co-founder of apple company”

 shayad bahot hi kam log honge jo steve jobs ko na jante ho. unhone kai logo ko prerit kiya ange badhne ke liye. ve dunia ko badalne ki chah rakhne walo me se the.
steve jobs jo ek samay chhote se garage me mechanic ka kaam kiya karte the wo itane bade kaise ban gaye ki lakho logo ko kaam de sake. steve bussiness me itane safal hue ki unahe buissiness me sabase shaktishali purus ka khitab mila.

Steve jobs

Steve jobs ka janam 28 February 1955 ko San Francisco , California me huaa tha. jab steve ka janam huaa to inaki maa ne shadi nahi ki thi isliye unhone steve ko kisi padhe likhe vyakti ko dene ke liye socha. ek vakeel ne steve ko adopt karne ke liye kha par baad me unhone mana kar diya. isake baad paul aur clara jobs ne steve ko adopt kiya.  clara ke paas college degree nahi thi aur paul ne high school bhi paas nahi kiya tha isliye unhone ek form bhara jisme likha tha we steve ko college me padhayenge.

steve ke pita paul mechanic aur badhai(craftsman) ka kam karte the aur steve ko bhi sikhate the. unhone steve ke liye ek alag se Tebal bhi banai thi jisame steve kam kar sakte the.

jab steve school me padhte the to unke pass paiso ki kami hoti thi. paiso ki kami ke karan steve ko garmiyo ki chhuttiyo me bhi kaam karna padta tha.
steve ne 1972 me  Reed college me admission liya par fees jyada hone ke karan 6 mahine me hi college ki padhai chhod di lekin isake baad bhi we college jate aur manpasand class ko attend karte. par paiso ki kami ke chalate steve ko apne dost ke kamare par jameen me sona padta tha. kai baar to wo coke ki khali botalo ko bechkar khane ke liye paise jutate the.

Hare krishna mandir me saptah(week) ke ek din free khana milta tha isliye steve saptah me ek din is mandir me khana khane ke liye 7 mile paidal chalkar jate the.

1973 me steve apne dosto ke sath karoli baba se milane bharat aaye par baba ki mrityu ek saal pahale hi ho chuki thi. steve 7 mahine Bharat me hi rahe aur phir America chale gaye. steve Bharat se itane prabhavit the ki unhone bhartiya kapde pahanne shuru kar diya tha.

1976 me steve ne ek business start kiya jiska naam “Apple computer company” rkha. company ke shuruat me compani me sirph circuit board becha gya.
1976 me hi steve ke  ek dost steve wozniak ne apple ke pahle copmuter apple 1 ka aviskar (invent)  kiya aur steve jobs ko dikhaya. jobs ko computer pasand aaya aur computer ko bechane ke liye kaha. phir jobs aur wozniak ne ise banana shuru kiya.

dheere-dheere unka banaya computer bikne lga aur company chal padi.aur badi hoti gai.

steve ka kaam ke prati kade vyavhar ke karan 1985 me ek din aisa bhi aaya jab steve ko apne hi company se hata diya gya. apni hi company se hatane ke baad steve nirash the par jald hi steve is dukh se bahar aa gaye.  kuchh salo ke baad  company next aur pixar srart ki.  pixar ne duniya ki pahali computer animated film Toy Story banai

steve ne 1991 me laurene powell se shadi ki aur unake teen bachche huye. 1993 me apple company ghate me aane lagi.company ko steve ko vapas bulane ka ahsas huaa aur kucch samay baad apple ne steve ki next company khareedi aur steve phir apple me aa gaye. 1997 me steve apple ke CEO ban gaye.
apple ne 1998 me i-mac launch kiya ise logo ne bahot pasand kiya. steve ke aane ke baad apple company ne dobara tarakki karni shuru ki aur apple ne 2007 me i-phone , 2010 me i-pad tab jaise kai product launch kiye.

2011 me steve ne apple ke CEO ka pad chhod diya aur kuchh samay baad hi 2011 me steve ka nidhan 5 October  ko cancer ki bimari se ho gya . unake nidhan par bill gates jaisi badi-badi company ne shok vyakt kiya tha.google ne bhi apna logo change kar unka shok vyakt kiya.

You may also like...

Leave a Reply

Your email address will not be published. Required fields are marked *